لو انت حابب تبدأ رحلتك في مجال الفن ان شاء الله الكورس دة هيكون احسن حاجة تبدأ بيها في حياتك الجديدة لأنه كورس شامل لاساسيات الرسم و هتتعلم فيه مباديء اساسية هتساعدك في رحلة التعلم السعيدة بتاعتك
في كورس اساسايات الرسم المكثف هتتعلم بسرعة وبسلاسة ازاي ترسم تكوين لطيف متقفل و متظلل
التكوين دة هيكون بمثابة مشروع كامل جاهز للاستخدام
و قبل ما تعمل البروجيكت الكامل دة هتدرب الاول علي :
ازاي ترسم النسب و الكتل و هنطبق مع بعض خطوة بخطوة علي اكثر من تكوين و عناصر بسيطة
بعد كدة هتتعلم التظليل و التعبير عن الاضاءات المختلفة
و مش بس كدة كمان هتتعلم التعبير عن ملامس و لمعان العنصر
و هنتكلم عن الملامس المختلفة للعناصر .. مثال ملمس الخشب مختلف عن ملمس المعدن مختلف عن ملمس الجلد البشري
ثم هشرحلك اساسيات المنظور عشان المشاهد تكون عينه مرتاحة لما تشوف الرسمة بتاعتك و لا تشعر فيه حاجة غلط في الرسمة
و اخيرا هتتعلم معايا خطوة بخطوة التلوين بتابلت الرسم
الكورس للمبتدئين مش مطلوب اي خبرة سابقة
بس يستحسن قبل ما تبدأ في الكورس دة تشوف الكورس المجاني بتاعي هنا علي المنصة باسم المستوى زويرو اساسيات الرسم
اغلب التمارين في الكورس دة ممكن تطبقها ورايا بالقلم الرصاص و تلونها بعد كدة بالماوس و لكن يفضليكون معاك تابلت رسم عشان دة هيخلي التلوين اسهل و اسرع
في نهاية الكورس دة هتكون قادر علي رسم و تظليل و تلوين اي عنصر امامك بخطوط بسيطة و بسرعة
وبالتوفيق ان شاء الله
